വ്യത്യസ്തമായ ഇതിവൃത്തവും അവതരണവുമായി എത്തുന്ന എസെക്കിയേൽ എന്ന ചിത്രത്തിന്‍റെ ഫസ്റ്റ് ലുക്ക് മോഷൻ പോസ്റ്റർ ശ്രദ്ധേയമായി. സതീഷ് പോൾ രചനയും സംവിധാനവും നിർവഹിച്ച ഈ ചിത്രം, ഓൾ സ്മൈൽസ് ഡ്രീം മൂവീസും, പൈ മൂവീസും ചേർന്ന് നിർമിക്കുന്നു. കോതമംഗലത്തും പരിസരങ്ങളിലുമായി ചിത്രീകരണം പൂർത്തിയായി.
ബിയോണ്ട് ദ സെവെൻ സീസ്, ഇതു വരെ എന്നീ ചിത്രങ്ങളിലൂടെ പ്രേക്ഷകർക്ക് സുപരിചിത്രനായ പീറ്റർ ടൈറ്റസ് നായകനാകുന്ന ചിത്രത്തിൽ, പുതുമുഖ താരം ചൈതന്യ ഹേമന്ത് നായികയായി എത്തുന്നു. സാഹചര്യത്തെളിവുകളുടെ മാത്രം അടിസ്ഥാനത്തിൽ തന്‍റെ കാമുകിയുടെ തിരോധാനത്തിൽ പ്രതിയായി മാറുന്ന യുവാവിന്‍റെ വേഷത്തിലാണ് പീറ്റർ ടൈറ്റസ് പ്രേക്ഷകരുടെ മുന്നിലെത്തുക. തെലുങ്ക് കന്നട ഭാഷാ ചിത്രങ്ങളിൽ വില്ലൻ വേഷങ്ങളിൽ തിളങ്ങുന്ന സെവൻ രാജ്, ഡോ.രജിത് കുമാർ, ഐവർ, ഡോ. ശോഭ, ഹരിദാസ്, ലതദാസ്, ചിഞ്ചു, ബെൻ, അമൃത, ജയകുമാർ ചെങ്ങമനാട്, ഡോ. സ്മിത നായർ തുടങ്ങിയവരും ചിത്രത്തിൽ വേഷമിടുന്നു.
കാമറ -ആദർശ് പ്രമോദ്, എഡിറ്റിംഗ് – വിജി അബ്രഹാം, ചീഫ് അസോസിയേറ്റ് ഡയറക്ടർ – അനൂപ് ശാന്തകുമാർ, അസ്സോസിയേറ്റ് ഡയറക്ടർ – ജക്കു, ഗാനരചന – ഡോ. ഉണ്ണികൃഷ്ണൻ വർമ, ഡോ. ജിമ്മി ജെ തോമസ്, സാബു ജോസഫ്, സംഗീതം, പശ്ചാത്തല സംഗീതം – ഡോ. വിമൽ കുമാർ കാളി പുറയത്ത്,പ്രൊഡക്ഷൻ മാനേജർ – ഷിബിൻ മാത്യൂ, മേക്ക് അപ് – രാഗില, കോസ്റ്റ്യൂംസ് – രഘുനാഥ് മനയിൽ, പിആർഒ – അയ്മനം സാജൻ.
